Aina 29 Mpya za Mbegu za Mazao

Habari njema kwa wakulima…

Kamati ya Taifa ya Mbegu (National Seed Committee) imeidhinisha matumizi ya aina 29 za mbegu mpya za mazao mbali mbali ya kilimo.

Mazao hayo ni mahindi, mpunga, alizeti, karanga na chai. Hatua hiyo ya Kamati inalenga kuongeza tija na kipato kwa mkulima.

Kuidhinishwa kwa aina hizo za mbegu kunafuatia mapendekezo yaliyofanywa na Kamati ya Taifa ya Kupitisha Aina Mpya za Mbegu za Mazao (The NationalVariety Release Committee) katika kikao chake kilichofanyika makao makuu ya Wizara ya Kilimo Mifugo na Uvuvi Dar-es-saalam tarehe 16 na 17 Machi 2016.

Jifunze zaidi kuhusu mbegu bora za mazao;

• Aina Bora 19 za Mbegu za Mihogo
• Jinsi ya Kuandaa na Kutunza Kitalu cha Mbegu ya Mpunga
• Zifahamu Mbegu Bora za Mahindi

Aina hizi mpya za mbegu zimepitishwa baada ya kufanyiwa utafiti na kugundulika kuwa zina sifa zifuatazo:

• Kutoa mavuno mengi
• Kustahimili ukame
• Ukinzani dhidi ya magonjwa na wadudu
• Kukomaa mapema na
• Kupendwa na wakulima.

Kati ya aina hizo mpya za mbegu, kuna aina 16 za mbegu za mahindi, 2 za mbegu za mpunga, 4 za mbegu za alizeti, mbegu za karanga 3 na 4 za mbegu za chai. Zipo pia mbegu 19 za mihogo.

Orodha ya aina mpya za mbegu za mazao

Mbegu hizo zimefanyiwa utafiti wa kina na vituo vya utafiti vya Umma na sekta binafsi hapa nchini. Sifa za aina hizo mpya za mbegu zilizoidhinishwa na Kamati ya Taifa ya Mbegu zimeambatanishwa hapa.

Aina hizo za mbegu zitaanza kuzalishwa na makampuni mbalimbali ya uzalishaji mbegu pamoja na Wakala wa Taifa wa Mbegu za Kilimo (Agricultural Seed Agency – ASA).

Lengo ni kuzifikisha aina hizo mpya za mbegu bora kwa wakulima kuanzia msimu wa 2017/2018.

Imetolewa na: Mh. Mwigulu Mchemba, Waziri wa Kilimo, Mifugo na Uvuvi.