Mbegu-bora-za-mahindi

Zifahamu Mbegu Bora za Mahindi

Ndugu mkulima, ili ufanye kilimo bora na cha kisasa cha mahindi, Mogriculture Tz inakuasa kuachana na matumizi ya mbegu za kienyeji, kwani mbegu za kienyeji zina mavuno madogo sana na zinachukua muda mrefu sana kukomaa na nyingi zinashambuliwa sana na magonjwa. 


 
Habari ndugu msomaji wetu karibu tena katika mwendelezo wa makala zetu za mafunzo ya kilimo bora na ufugaji wa kisasa kila Jumatatu ya kila wiki. Leo tumekuandalia makala hii ya mbegu bora za mahindi hapa Tanzania. Katika makala hii utajifunza mbegu bora za mahindi zilizofanyiwa tafiti hivi karibuni na vituo vya utafiti wa mazao ya kilimo hapa Tanzania. Kwa kila mbegu ya mahindi utafahamu kituo cha utafiti kilichozalisha hiyo mbegu, mahali kilipo na sifa za mbegu husika zikiwemo: muda mpaka kukomaa, uzaaji na uvumilivu dhidi ya ukame na magonjwa. Kumbuka kuwa hizi ni miongoni mwa Mbegu bora zilizotangazwa  na Kamati ya Taifa ya Mbegu Machi 2016. Ungana nami hadi mwisho, karibu….

mbegu bora za mahindi
Mbegu bora za mahindi
 
Mbegu za mahindi Kituo cha Selian Agricultural Research Institute – Arusha
Mbegu: Selian H215
Sifa za mbegu
  • Aina hii ni mahindi chotara.
  • Inastawi katika mwinuko wa mita 800 hadi 1,200 kutoka usawa wa bahari.
  • Inakomaa kati ya siku 105 hadi 148.
  • Inatoa mavuno ya wastani wa tani 5 kwa hekta.
  • Inastahimili ugonjwa wa bakajani kijivu wa mahindi (grey leaf spot) hususan katika maeneo ya kanda ya kaskazini. 
  • Soma hapa: Kilimo bora na chakisasa cha mahindi
Mbegu za mahindi Kituo cha Kituo Cha Utafiti Ilonga – Kilosa Morogoro
Mbegu: 1. WE4106
Sifa za mbegu
  • Aina hii ni mahindi chotara.
  • Inastawi katika ukanda wa chini na kati wa mita 0 hadi 1,500 kutoka usawa wa bahari.
  • Inakomaa kwa wastani wa siku 106.
  • Ina ukinzani wa magonjwa ya milia ya mahindi (maize streak), bakajani kijivu wa mahindi (grey leaf spot) na kutu ya majani (leaf rust).
  • Inakoboleka vizuri (good poundability).
  • Inatoa mavuno ya wastani wa tani 6.8 kwa hekta.
  • Inastahimili ukame.
2. WE4102
Sifa za mbegu
  • Aina hii ni mahindi chotara.
  • Inastawi katika ukanda wa chini na kati wa mita 0 hadi 1,500 kutoka usawa wa bahari.
  • Inakomaa kwa wastani wa siku 105.
  • Ina ukinzani wa magonjwa ya milia ya mahindi (maize streak), bakajani kijivu wa mahindi (grey leaf spot) na kutu ya majani (leaf rust).
  • Inakoboleka vizuri (good poundability).
  • Inatoa mavuno ya wastani wa tani 6.7 kwa hekta.
  • Inastahimili ukame.
3. WE4110
Sifa za mbegu
  • Aina hii ni mahindi chotara.
  • Inastawi katika ukanda wa chini na kati wa mita 0 hadi 1,500 kutoka usawa wa bahari.
  • Inakomaa kwa wastani wa siku 101 hadi 111.
  • Ina ukinzani wa magonjwa ya milia ya mahindi (maize streak), bakajani kijivu
  • wa majani (grey leaf spot) na kutu ya majani (leaf rust).
  • Inakoboleka vizuri (good poundability)
  • Inatoa mavuno ya wastani wa tani 6.6 kwa hekta.
  • Inastahimili ukame. 
  • Soma hapa: udongo na mahitaji ya mbolea kwenye kilimo cha mahindi
4. WE4114
Sifa za mbegu
  • Aina hii ni mahindi chotara.
  • Inastawi katika ukanda wa chini na kati wa mita 0 hadi 1,500 kutoka usawa wa bahari.
  • Inakomaa kwa wastani wa siku 102.
  • Ina ukinzani wa magonjwa ya milia ya mahindi (maize streak), bakajani kijivu wa mahindi (grey leaf spot) na kutu ya majani (leaf rust).
  • Inakoboleka vizuri (good poundability).
  • Inatoa mavuno ya wastani wa tani 5.9 kwa hekta.
  • Inastahimili ukame.
4. WE4115
Sifa za mbegu
  • Aina hii ni mahindi chotara.
  • Inastawi katika ukanda wa chini na kati wa mita 0 hadi 1,500 kutoka usawa wa bahari.
  • Inakomaa kwa wastani wa siku 104 hadi 112.
  • Ina ukinzani wa magonjwa ya milia ya mahindi (maize streak), bakajani kijivu wa mahindi (grey leaf spot) na kutu ya majani (leaf rust).
  • Inakoboleka vizuri (good poundability).
  • Inatoa mavuno ya wastani wa tani 6.4 kwa hekta.
  • Inastahimili ukame.
5. WE4112
Sifa za mbegu
  • Aina hii ni mahindi chotara.
  • Inastawi katika ukanda wa chini na kati wa mita 0 hadi 1,500 kutoka usawa wa bahari.
  • Inakomaa kwa wastani wa siku 103.
  • Ina ukinzani wa magonjwa ya milia ya mahindi (maize streak), Ukungu kijivu wa mahindi (grey Leaf spot) na kutu ya majani (leaf rust).
  • Inakoboleka vizuri (good poundability)
  • Inatoa mavuno ya wastani wa tani 6.5 kwa hekta.
  • Inastahimili ukame. 
  • Soma hapa: kilimo cha kisasa cha mpunga
Vituo vya utafiti wa mazao
Vituo vya utafiti wa mbegu bora za mahindi
Mbegu za mahindi Kituo cha Kituo Cha Utafiti Tumbi – Kibaha
Mbegu: 1. T104
Sifa za mbegu
  • Aina hii ni mahindi ya kawaida (OPV)
  • Inastawi katika ukanda wa kati katika mwinuko wa mita 600 hadi 1,500.
  • Inakomaa kwa wastani wa siku 104 hadi 128.
  • Inatoa mavuno ya wastani wa tani 4.5 kwa hekta.
2. T105
Sifa za mbegu
  • Aina hii ni mahindi ya kawaida (OPV)
  • Inastawi katika ukanda wa kati katika mwinuko wa mita 600 hadi 1500.
  • Inakomaa kwa wastani wa siku 103 hadi 129.
  • Inatoa mavuno ya wastani wa tani 5.4 kwa hekta.
Mbegu za mahindi Kituo cha Aminata Quality Seeds & Consultancy Ltd – Tanga
Mbegu: 1. NATA H401
Sifa za mbegu
  • Aina hii ni mahindi chotara.
  • Inastawi katika ukanda wa chini na kati katika mwinuko wa mita 400 hadi 1,500.
  • Inakomaa kwa wastani wa siku 120 hadi 130.
  • Inatoa mavuno ya wastani wa tani 7 kwa hekta.
  • Inastahimili ugonjwa wa bakajani kijivu wa mahindi (grey leaf spot), baka jani (leaf blight) na kutu ya majani (leaf rust).
  • Inakoboleka vizuri (good poundability).
2. NATA K 8
Sifa za mbegu
  • Aina hii ni mahindi ya kawaida (OPV).
  • Inastawi katika ukanda wa chini na kati katika mwinuko wa mita 0 hadi 1,600.
  • Inakomaa kwa wastani wa siku 110 hadi 120.
  • Inastahimili magonjwa ya bakajani wa mahindi (grey leaf spot), milia (maize streak virus) na ‘Turcicum blight’.
  • Inatoa mavuno ya wastani wa tani 4.9 kwa hekta. 
  • Soma hapa: kilimo bora cha maharage
Mbegu za mahindi Kituo cha Krishna Seed Company Ltd – Babati Manyara
Mbegu: 1. Krishna Hybrid-1
Sifa za mbegu
  • Aina hii ni mahindi chotara.
  • Inastawi katika mwinuko wa mita 600 hadi 1,200 kutoka usawa wa bahari.
  • Inakomaa kwa muda wa siku 128.
  • Inatoa mavuno ya wastani wa tani 6.9 kwa hekta.
  • Inastahimili magonjwa ya majani wa ukungu kijivu wa mahindi (grey leaf spot) milia ya mahindi (maize streak virus).
2. Krishna Hybrid-2
Sifa za mbegu
  • Aina hii ni mahindi chotara.
  • Inastawi katika mwinuko wa mita 600 hadi 1,200 kutoka usawa wa bahari.
  • Inakomaa kwa muda wa siku 134.
  • Inatoa mavuno ya wastani wa tani 7.6 kwa hekta.
  • Inastahimili magonjwa ya ukungu kijivu wa mahindi (grey leaf spot) na milia ya mahindi (maize streak virus).
Mbegu za mahindi Kituo cha Meru Agro- Tours & Consultancy Co. Ltd – Arusha
Mbegu: 1. MERU LISHE 503
Sifa za mbegu
  • Aina hii ni mahindi ya kawaida (OPV).
  • Aina ya mahindi lishe yaliyo na kiwango kikubwa cha viini muhimu vya protini.
  • Hustawi katika mwinuko wa mita 800-1,200 kutoka usawa wa bahari.
  • Inakomaa mapema kwa wastani wa siku 99.
  • Ina stahimili magonjwa ya bakajani kijivu wa mahindi(grey leaf spot)na milia ya mahindi ( maize streak virus).
  • Inatoa mavuno ya wastani wa tani 4.3 kwa hekta.
  • Inakoboleka kirahisi.
2. MERU LISHE 511
Sifa za mbegu
  • Aina hii ni mahindi ya kawaida (OPV).
  • Aina ya mahindi lishe yaliyo na kiwango kikubwa cha viini muhimu vya protini.
  • Hustawi katika mwinuko wa mita 800-1,200 kutoka usawa wa bahari.
  • Inakomaa kwa muda wa wastani wa siku 98.
  • Ina ukinzani wa magonjwa ya bakajani kijivu wa mahindi (grey leaf spot) na milia ya mahindi (maize streak virus).
  • Inatoa mavuno ya wastani wa tani 5.2 kwa hekta.
  • Inakoboleka kirahisi. 
  • Soma hapa: kilimo bora cha nyanya
 
Mbegu za mahindi za Kituo cha Iffa Seed Company Ltd – Arusha
Mbegu: 1. Kaspidi hybrid
Sifa za mbegu
  • Aina hii ni mahindi chotara.
  • Hustawi katika mwinuko wa mita 600 hadi 1,200 kutoka usawa wa bahari.
  • Inakomaa kwa muda wa siku 150 hadi siku 155.
  • Inatoa mavuno ya wastani wa tani 6.1 kwa hekta.
  • Inastahimili magonjwa wa bakajani kijivu wa mahindi (grey leaf spot) na milia ya mahindi (maize streak virus). 
2. Kisongo hybrid
Sifa za mbegu
  • Aina hii ni mahindi chotara.
  • Hustawi katika ukanda wa mwinuko wa mita 600 had 1,200 kutoka usawa wa bahari.
  • Inakomaa katika siku 138.
  • Inatoa mavuno ya wastani wa tani 6.8 kwa hekta.
  • Inastahimili magonjwa ya bakajani kijivu wa mahindi (grey leaf spot) na milia ya mahindi (maize streak virus). 
USHAURI: Ndugu mkulima, ili ufanye kilimo bora na cha kisasa cha mahindi, Mogriculture Tz inakuasa kuachana na matumizi ya mbegu za kienyeji, kwani mbegu za kienyeji zina mavuno madogo sana na zinachukua muda mrefu sana kukomaa na nyingi zinashambuliwa sana na magonjwa. Badala yake tumia mbegu bora ili kuendeleza kilimo nchini na ustawi wako kiuchumi. Zifuatazo nii makala zingine zinazohusu mahindi ambazo tulishaziandika (bofya ili kuzisoma):

Ahsante kwa kuwa pamoja nami mpaka mwisho wa makala hii. Je umejifunza chochote leo? Tuandikie comment yako hapa chini, laini pia usisahau ku-share ili kuwajuza wengi zaidi. Mwisho kabisa nikutakie mwanzo mwema wa wiki na nikukaribishe tena katika makala yetu nyingine Jumatatu ijayo panapo majaliwa.
Tags
Pls share this post

Farming Tips and Tricks

If you like farming you will definitely love our contents. Join us now

Related Posts

38 Comments

Leave a Reply

Your email address will not be published. Required fields are marked *

  11. Asante sana. Sikuwa najua kama kuna mbegu bora za mahindi ya kawaida. Ila nisaidie, ukisema HEKTA unamaanisha HEKARI au ndo HEKTA kwa maana ya hekari 2.47105 ambazo ni sawa na HEKTA 1

  12. Naomba nipatiwe maelezo ya kina sababu nimelima hekari mbili za mahindi hadi sasa nimeona umuhimu wa kutumia kilimo cha kisasa kutokana kila mwaka kupata mazao machache nimeona nauchosha mwili pia kuiingizia hasara muda wangu ninao utumia katika jambo hilo

  19. Nimefurahia elimu hii ya mbegu bora ya mahindi na aina za mbegu, ila swali au ushauri kuhusu miinuko toka usawa wa bahari kwa mkulima wa kawaida pengine si rahisi kujua mahali alipo ni muinuko kiasi gani toka usawa wa bahari na hivyo ni mbegu ipi inafaa kwa eneo hilo. Je haiwezekani mbali tu ya kuweka vipimo vya miinuko, mngeainisha pia labda maeneo katika nchi yetu hata labda kwa kanda labda ingesaidia pia mkulima kujua ni mbegu ipi inafaa eneo lake.

  20. Naishi Fukayose, Bagamoyo. kwa maelezo ya aina za mbegu inaonyesha aina za 2. NATA K 8 na
    5. WE4112 ndio zinafaa ukanda huu. Naweza kuzipataje?

    Pia, kama una ushauri mwingine wa aina za mbegu za mahindi au mazao mengine yanayoweza kulimwa huku kwetu tafadhali tujuze.

    Alfred Junior Kipoo

  24. Natamani nipate mawasiliano ya wanazalisha mbegu inayokomaa kwa siku 120 na kuendelea kuepuka mahindi kuoza nilipo Kuna mvua nyingi sana

  25. Ahsante sana kwa makala yako na tumaini nitakuwa mkulima bora, kwa kuwa ndio mara yangu ya kwanza kulima kisasa zaid, pia takuwa pamoja nanyi kwa ushauri zaidi. shukrani

  26. Mungu ni mwema hongera sana sana mm pia nahitaji kujifunza nasomea kilimo na mifugo lakini naomba pia nipate mwongozo kutoka kwenu mafunzo mbali mbali kuhusu swala Zima la kilimo

  27. Asante kwa ufafanuzi mzuri, pia sisi wakulima tunatamani kujua mbegu zinazochanua mapema yaan zinachanuwa zikiwa fupi na ndefu. Pia ufafanuzi kama mbegu inastahimili sehemu za joto au baridi. Kwani mkitutolea kwa namna ya miinuko kwa mfano mita 300 hadi 1500 au 0 hadi mita 1800 wengi hatuelewi au hatukupitia madarasa ya juu kidogo. Ila ukisema mbegu hizi zinafaa ukanda wa joto au baridi tunaelewa haraka na kuwa washauri wa wengine, ni mtazamo wangu au wetu tulioko vijijini Mpanda-Katavi